دولة مصر

معلومات عامة عن دولة مصر

مصر هى أقدم دوله موجوده فى العالم المعاصر. الدوله بمفهومها القانونى يعنى أرض و شعب و حكومه. على مدى أكتر من 5000 سنه و مصر موجوده بحدودها الجغرافيه المعروفه دلوقتى و عاشت و استمرت و على ارضها عايش شعبها و طول الوقت ليها حكومه من غير انقطاع فى أى حقبه من حقب التاريخ. جايز كانت فيه شعوب و قبايل قديمه عاشت من آلاف السنين لكن مش ممكن تسميتهم دول و حتى لو اتوجدت دوله ليهم فماعاشتش زى الدوله المصريه و ما سابتش حاجه تثبت وجودها. الحضاره المصريه القديمه وصلتنا اخبارها عن طريق نصوص موثقه مكتوبه على البرديات و جدران المعابد. عبر التاريخ الدوله المصريه حاجه مميزه عن كل الدول التانيه و من الصعب تعريفها حيث انها لا هى الحاكم ، الفرعون أو السلطان أو الملك أو الرئيس ، و لا هى الجيش و لا هى الشعب ، لكن مجموعة نظم متشابكه و متداخله مالهاش مثيل فى دول تانيه ، و مجموعه من الروح و الإراده و المؤسسات و الهويه و حاجات تانيه كتيره بتميز المصريين و دولتهم و بتديهم طابع معين عن كل شعوب الدنيا و دولهم.

فيه ادله عن ان الانسان سكن وادى النيل من العصر الحجرى فى شكل اعمال فنيه و منحوتات صخريه على طول نهر النيل و الواحات فى الصحرا. فى الالفيه العاشره قبل الميلاد, ابتدت فى مصر ثقافه الصيادين و صيادين السمك و طحن الحبوب. التغيرات المناخيه و / او الافراط فى الرعى حوالى 8000 قبل الميلاد ابتدا يجفف الاراضى الرعويه و مصر, و اتشكلت الصحرا. هاجرت القبايل لنهر النيل و استقر وضع الاقتصاد الزراعى و المجتمع المركزى.

تاريخ مصر المكتوب بيرجع لسنة 3200 قبل الميلاد بس كمان فى أدله كتيره بتأكد وجود حضاره و مدنيه فى وادى النيل قبل التاريخ المكتوب و اللى اتطورت فى شمال و جنوب مصر بشكل مستقل (ولكن مش منفصل تماما) لحد ما الملك مينا وحد الشمال و الجنوب و اسس دوله مركزيه حكمها ملوك مصر لمدة تلات-ت-الاف سنه تقريباً. المصريين سمو الدوله الجديده باسم (تا-وى) و معناها الارضين و ازدهرت الحضاره المصريه و فضلت شايله خصايصها المصريه البحته فى الفنون و المعمار و الثقافه بشكل عام طول المده الطويله دى.

بعد ما طرد أحموس الهكسوس من مصر و اتعقبهم لغاية حدود منطقة سوريا الشماليه دخلت مصر فى طور حربى كبير و ابتدى ملوكها يوجهوا نظرهم للبلاد الاسيويه ففتحوا مناطق فلسطين و سوريا و وصلوا لغاية نهر الفرات و اتوسعوا فى الجنوب لغاية ما وصلوا للشلال الرابع فى السودان الحالى و كان اعظمهم فى الفتوحات تحوتمس التالت اللى اسس امبراطوريه مصريه شاسعه. من الوقت ده بقت دى حدود مصر لما يحكمها حاكم قوى فكان بيوصل بفتوحاته شمالاً لمنطقة سوريا و شرقاً لميسوبوتاميا و جنوباً لأواسط السودان الحالى و ساعات كان بيتجه غرباً و بيضم منطقة ليبيا و فى البحر المتوسط كان بيضم لمصر جزر زى قبرص و كريت و ده كله بالإعتماد على قدرات مصر الاقتصاديه و قوة جيشها. من الحكام اللى ضموا الشام و الحجاز و النوبه لمصر كان أحمد بن طولوناللى قضى على الحكم العربى و من بعده الاخشيد و ضمت الدوله الفاطميه الشام و الحجاز و النوبه و اليمن لمصر ، و فى العصر الأيوبى اتضمت لمصر جزر فى البحر المتوسط و فى عصر الدوله المملوكيه ضم سلاطين مصر الشام و منطقة فلسطين و الحجاز وغيرها لمصر. أخر مره اتوسعت مصر فيها بالفتوحات كان فى عهد محمد على اللى فى ايامه كان لمصر جيش قوى قدر بيه انه يخضع كل الدول الافريقيه المطله على نهر النيل و منها السودان الحالى و الحبشه (اثيوبيا الحاليه ) و اوغندا و الصومال و فى الشرق و الشمال منطقة فلسطين و الشام و الحجاز و جزر فى البحر المتوسط و هدد عاصمة الاتراك العثمانليه نفسهم فى تركيا عقر دارهم.

من ناحيه تانيه ، مصر هى اكتر بلد فى العالم اتعاقب على حكمها أكبر عدد من الملوك و السلاطين ، و بالنسبه لطول تاريخها بتعتبر من اكتر بلاد العالم اللى اتمتعت بإستقلال. اتخلل استقلال مصر خمس فترات احتلال كانت فيه مش مستقله (فارسى, رومانى, عربى, عثمانى, انجليزى). فى عصور الاستقلال مصر كانت بتتقدم و تسود و فى عصور الاحتلال كانت بتتخلف, فى العصر البطلمى سادت مصر منطقة البحر المتوسط و حصلت فيها نهضه ثقافيه كبيره لعبت فيها مكتبة اسكندريه دور كبير. بعد احتلال الرومان لمصر سنة 30 قبل الميلاد فقدت مصر استقلالها و اتحولت لولايه رومانيه, و فى سنة 641 غزا العرب مصر و احتلوها وبقت ولايه تابعه للخليفه العربى بيحكمها ولاته اللى كانو بيجمعو له الضرايب و المكوس, و استمر الوضع على كده لغاية لما استقل احمد بن طولون بحكمها سنة 868 و قامت الدوله الطولونيه و خرجت من الحكم العربى و حصلت فيها نهضه كبيره, و رجعت لها سيادتها و استقلالها بالكامل فى العصر الفاطمى و العصر المملوكى اللى قدر فيه المماليك انهم يكسرو شوكة العرب اللى كانو موجودين فى مصر و يقضو على طموحاتهم و تمرداتهم و اضطرت اعداد كبيره منهم تخرج من مصر و حصلت فيها نهضه كبيره و بقت مصر قوه اقتصاديه و عسكريه بيتعمل لها الف حساب, لكن فى سنة 1517 استولى الاتراكالعثمانيين عليها و بقت ولايه عثمانليه و انحدرت فيها الثقافه بعد ما نهب العثمانليه تراثها و نقلوه على استانبول. فى عهد محمد على باشا حصلت نهضه جديده لكن انتكست بالاحتلال البريطانى لغاية ما قامت ثورة 23 يوليهسنة 1952.

رغم طول تاريخ مصر و التحولات و التغييرات اللى حصلت على امتداده اتميز التاريخ ده بالاستمراريه و الدوام و فضلت مصر قوه ثقافيه و عسكريه كبرى فى منطقة الشرق الاوسط.

النشيد الوطنى

بلادى بلادى بلادي هو اسم النشيد الوطنى بتاع مصر من تاليف الشاعر محمد يونس القاضى و تلحين الموسيقار المصرى سيد درويش و بيتقال ان بعض ابيات النشيد متاخده من خطاب مشهور للزعيم مصطفى كامل و اول نشيد وطنى لمصر اتعمل سنة 1869 و كان " مارش الانتصار " من اوبرا عايده من تلحين فيردى و استمر السلام الملكى دا لحد ما جمال عبد الناصر بعد ثورة 23 يوليه استبدله باناشيد تانيه ما عاشتش كتير زى نشيد الحريه و نشيد والله زمان يا سلاحى. الرئيس السادات هو اللى اختار بلادى بلادى سنة 1979 و خلاه النشيد الوطنى بتاع مصر و هو كمان اللى رجع اسم مصر لإسم الدوله بعد ما كان اسمهاالجمهوريه العربيه المتحده فغيره لـ جمهورية مصر العربيه.

كلمات النشيد

السياسه

مصر دوله كان نظامها جمهورى رئاسى من سنة 1953 و قبل كده كانت دوله ملكيه برلمانيه. مصر حالياً (أنظر أسفل ) تحت حكم محمد مرسى والى كسب انتخابات 2012 بنسبة 51% ضد منافسه احمد شفيق الى خد 49%, و قبله كان بيحكم خونتا عسكريه من 11 فبراير 2011 بعد زوال حكم حسنى مبارك وبعد كده تم عزل محمد مرسي بعد ثورة 30 يونيو ومسك مكانه رئيس المحكمة الدستورية المستشار عدلي منصور لحد ما يتعمل انتخابات جديدة. و رئيس الوزرا حالياً هو ابراهيم محلب وقبل منه البيبلاوي وقبل منه هشام قنديل الي اتشال بعد ثورة 30 يونيو و قبل منه كان كمال الجنزوري و قبل منه كان عصام شرفماسك المنصب ده. قبل ما يمسك الخونتا حكم مصر المفروض ان السلطه فى مصر كانت متوزعه بين رئيس الجمهوريه و رئيس الوزرا فى نظام متعدد الأحزاب بيفصل بين التلات سلطات: التشريعيه و القضائيه و التنفيذيه, بس فعليا أغلب السلطات متركزه فى إيد رئيس الجمهوريه. أول إنتخابات رياسيه تعدديه فى مصر حصلت سنة 2005 و فاز فيها حسنى مبارك بفرق كبير جدا عن المرشح التانى: ايمن نور و كان فى كلام من جهات كتير ان الانتخابات حصل فيها تزوير و حصل تجاوزات من الامن المصرى.

الجغرافيا

المقاله الرئيسيه: جغرافية مصر

مساحة مصر 1,021,580 كيلو متر مربع (بمثلث حلايب و شلاتين) يعنى قد مساحة فرنسا مرتين و قد بريطانيا أربع مرات, بس علشان أغلب المساحه دى صحرا ف السكان بيتركز معظمهم فى وادى النيل (99% من المصريين عايشين على 5.5 من مساحة بلدهم).من أكبر المدن المصريه القاهره و إسكندريه والجيزه و المحله الكبرا و الزقازيق و أسيوط و المنيا. مصر جوها جاف معظم السنه, ماعدا فى شهور الشتا أكتوبر-مارس و بتنزل المطره أكتر حاجه على المدن اللى بتطل على البحر المتوسط و بتقل شويه شويه كل ما اتجهنا ناحية الجنوب. متوسط درجة الحراره فى الصيف ما بين 27 و 31 درجة مئويه و بتبرد فى الشتا و بيوصل المتوسط 13 و 21 درجة مئوية.

رؤساء مصر

1- محمد نجيب

2- جمال عبد الناصر

3- محمد انور السادات

4- محمد حسنى مبارك

5- محمد مرسى

6- عدلى منصور

7- عبد الفتاح السيسى

محافظات مصر

المقاله الرئيسيه: محافظات مصر

مصر متقسمة ل27 محافظة.

السكان

مصر هيه تانى أكبر دوله فى أفريقيا فى عدد السكان بعد نيجيريا, و أكبر دوله فى منطقة الشرق الأوسط. و حسب تقدير سنة 2007 وصل عدد سكان مصر لحوالى 78,733,641 شخص (فيه تقديرات تانيه بتقول انهم وصلو 81,713,517 فى يوليو 2008) و حسب تقدير 29 سبتمبر 2012 وصل عدد سكان مصر 82,620,000 شخص.[3]

أغلب سكان مصر متركزين فى وادى النيل و خصوصا فى القاهره (ربع السكان) و فى وجه بحرى عموما. الزياده السكانيه فى مصر مابين 1.3 % و 1.6% فى السنه. المصريين بيشكلو نسبة 98% من عدد سكان مصر. و باقى الاقليات العرقيه فى مصر يا أما عرب بدو ونوبيين و سيويين و بيجاويين و أمازيغيين (1%) يا أما جريك (يونانيين) و أرمن و طليان و فرنساويين (1%).[3]

المصريين أكترهم من المسلمين السنه 80-90% و الباقى مسيحيين اغلبهم اقباط أورتودوكس [4] و حوالى 200 من اليهود. بسبب عدم إعتراف الدوله الرسميه فى مصر بأى ديانات أو مذاهب تانيه ففيه نسب مش معروفه من المصريين اللى بينتمو للدين البهائى و المذهب الشيعى الإثناعشرى, و زى أى بلد (الفاتيكان مثلا), فيه لا-دينيين.

فلسفه و معتقدات

أديان

أكتر اربع أديان منتشره فى مصر; معترف بتلاته بس من الحكومه المصريه

• الاسلام: بيؤمن بيه من 80% ل90% من سكان مصر غالبيتهم سنه.[5][6][7][8][9][10][11][12]
• المسيحيه: الريپورتات بتختلف كتير عن بعض, مثلا فيه مصادر بتقول ان بيؤمن بيها 10%[13][14][15][16] من سكان مصر; اغلبهم أرتدوكس كمان فيه منهم كاتوليك و پروتستانت. فيه مصادر تانيه بتقول من 15% ل20%.[11][12][17][18][19][20][21]
• يهوديه: معظم اليهود المصريين هاجرو على فرنسا و أمريكا فى ال50ات و ال60ات, بس فيه منهم فضّلوا القعاد فى مصر بدل ما يهاجرو, و هما حوالى 300 يهودى فى الفيوم و القاهره.
• البهائيه: الريپورتات الرسميه بتقول ان فيه 2000 بهائى مصرى; و دى ديانه من الديانات الموجوده فى مصر لكن الازهر و مجمع البحوث الاسلاميه مش عايز يعترف بيها لإنها دين جه بعد الإسلام و الإسلام مش بيعترف بأى دين بعده. بس اعترفت حكومة مصر بعد صدور قرار محكمه بالديانه البهائيه بعد صدور حكم محكمة القضاء الادارى يوم الخميس 6-4-2006 حكم يقضي بإن طايفة البهائيه ليها حق الاعتراف بيها رسمى. و كمان سمحت الدوله بكتابه (—) فى خانه الديانه فى البطاقه الشخصيه

توجهات فكريه تانيه

• الإلحاد و اللادينيه: زى اى مجتمع فى العالم, مش كل الناس اللى فيه بتبقى مؤمنه بالأديان اللى منتشره فى مجتمعها. الملحدين و اللادينيين عموماً ليهم تواجد ملحوظ على الانترنت, لكن لأسباب اجتماعيه صعب جداً إحصائهم أو معرفة عددهم على أرض الواقع, لكن التقارير بتشير إن عددهم زاد بشكل ملحوظ جداً الكام سنه اللى فاتو, و عدد البلوجات و السايتات الإلحاديه اتضاعف. كريم عامر من أشهر اللادينيين اللى إتسجنو فى مصر بسبب عدم إيمانهم بالإسلام و نقده.

اللغه

بردية إيبيرس اللى بتشرح علاج الربو

مع إن لغة الدوله الرسميه فى مصر هى العربى, انما مفيش حد فى مصر إتولد بيتكلمها من-غير ما يتعلمها. استعمال العربى محدود بس فى التعاملات الاداريه و الصحافه المكتوبه. انما المصريين بيتكلمو مصرى (العاميه المصريه) (68%),صعيدى (29%), بدوى (1.6%), سودانى (0.6%), نوبى (0.3%), دومارى (0.3%), Beja (0.1%), سيوى. طول تاريخهم المصريين كانو بتكلمو لغات من العيله الأفرو-أسيويه زى اللغه المصريه القديمه (اللى اتكتبت بالرموز الهيروجليفى والهيراطيقى و بعدين إتطورت و بقت الديموطيقى و بعدين قبطى), و دلوقتى اللغه المصريه الحديثه لما بتتكتب غالبا بيكون بالحروف العربى. و فى القرن العشرين, بعد إستقلال مصر من بريطانيا سنة 1922, كان فيه ناس بتطلب الإعتراف باللغه المصرى, زى قاسم امين, احمد لطفى السيد و سلامه موسى. بعدين ظهر فى ال40-ات ناس زى احمد لطفى السيد نادو بكتابة اللغه المصريه الحديثه بالحروف اللاتينى, و لسه فيه ناس النهارده بتنادى بالإعتراف باللغه المصرى.

الاقتصاد

الاقتصاد المصرى بيعتمد على الزراعه و السياحه و دخل قناة السويس و البترول. بيعتبر اقتصاد مصر من الاقتصادات القليله المتنوعه فى الشرق الأوسط و اللى مش معتمده على البترول بس, زى دول الخليج و العراق. و فيه بورصه نشطه إتأسست سنة 1880.

الجيش

الجيش المصرى (القوات المسلحه المصريه) هو اكبر جيش فى افرقيا و الشرق الاوسط و هو متكون من 468,000 عسكرى نظامى و بيوصل لمليون فرد لو ضفنا قوات الاحتياط, الجيش متوزع بين القوات الجويه, القوات البحريه, القوات البريه و الدفاع الجوى. مصر عندها قمر صناعى لل تجسس (زى إسرائيل) و إسم القمر الصناعى إجيبت سات-2 واطلقته مصر في ابريل 2014 وكان فيه قبله "'إجيبت سات-1"' وهو للتجسس برضو بس خدمته انتهت و اسلحة الجيش صناعة وطنية مع اسلحه من امريكا و الصين و من روسيا و فرنسا و ايطاليا و انجلترا.

القائد العام للقوات المسلحه هو الفريق أول صدقي صبحي والقائد الأعلى هو الرئيس عبدالفتاح السيسي بحكم الدستور المصرى .